သို့ မမမိုး

သို့ မမမိုး

တိမ်ထူထူတွေ အုံ့မိှုင်းနေလည်း
နွေက နွေပါပဲ သူငယ်ချင်း..

လေပြင်းတွေ သုန်သုန်တိုက်ခတ်သွား
ခြောက်ကပ်ကပ် သစ်ငုတ်တွေ ဟားတယ်
နားလိုက်စမ်းပါဦး မိုးစက်များ
ပင်လယ်ဖြစ်ဖို့ အများကြီး လိုပါသေးတယ် တဲ့။

မဲ့ပြသွားတဲ့ သက်တံတွေအောက်မှာ
စီးဆင်းတိုက်စားသွားတာ ရှိသလို
ဗွက်ပေါက်တဲ့ နေရာလည်း ရှိရဲ့..
ခမ်းခြောက်တဲ့ နေရာလည်း ရှိရဲ့..

ကမ္ဘာ့ရေထုနဲ့ နိှုင်းတဲ့ခါ
ရေချိုရေကောင်း သန့်သန့်ရှင်းရှင်းဟာ
တစ် ရာခိုင်နှုန်းသာပဲ ရှိတော့တယ်..
ပင်လယ်ဟာ ရေငတ်မှ မပြေဘဲ..

မရွာဘဲ မည်းလိုက်ပါနဲ့ ရွှေမိုးညိုရာ
မိုးခေါ်တဲ့ ရွှေပိန်ညင်းမှာလည်း
လွန်ဆွဲပွဲကို စိတ်မနာနိုင်သေး ...


Shwun Mi - ရွှန်းမီ