The Weaver

"ကြိုးကျစ်ဆရာ"

ကြိုးကျစ်ဆရာရေ
ပိုက်ကွန်တွေ တစ်လှေကြီးကို
ဘယ်လို ရက်လုပ်ခဲ့သလဲ

လက်ထဲမှာ
ကြိုးမျှင်တွေပါပဲ

ရှုပ်နေရင် ရှင်းရတယ်
တစ်ပင်ချင်း တစ်ခင်ချင်း

ရှင်းနေရင်
တစ်ခါပြန်ပြီး
ချည် ရစ် နှောင် နွယ်

တစ်ပင်ချင်း တစ်ခင်ချင်းနဲ့
ကြိုးလွန်းများစွာ
ရက်ရှယ်ကြမယ်

ပိုက်ကွန်ကြီးငယ်များ
ကြိုးတံတားများ
ကြိုးလှေကားများ နဲ့
သွယ်တန်းထုံးဖွဲ့

ကြိုးတွေနဲ့ တည်တဲ ့ကမ္ဘာမှာ
ကြိုးတွေဟာ အသက်ဝင်လာတယ်

အသာအယာ ယိမ်းပါကခုန်ရင်း
ကြိုးကွင်းသစ်များလည်း မွေးဖွားခဲ့

ကြိုးကျစ်ဆရာရဲ့ ခြေရင်းမှာ
ကြိုးခင်း ကြိုးခွေတွေ ဝပ်စင်းခဲ့

သူ့ရဲ့ လက်ထဲမှာပဲ
တကယ်တော့
ဓားလည်း ရှိနေတယ်။


//written by - ရွှန်းမီ //