fantasia

ဒဏ္ဍာရီ

ပန်းတွေပိုမွှေးစေရုံကလွဲလို့
နေရောင်ခြည်ဟာ
ဘာမှပြန်မရခဲ့ဘူး။

နှင်းခဲတွေ အရည်ပျော်ရုံ
အလင်းရောင် နွေးနွေးလေးနဲ့
ချောက်ကမ်းပါးတစ်ခုဘေးမှာ
စမ်းချောင်းလေး ဖြတ်ပြေးစေခဲ့တယ်။

ငှက်တွေတေးဆိုသံကလွဲလို့
မိုးတိမ်တိုက်ဟာ
ဘာမှပြန်မရခဲ့ဘူး။

သစ်ပင်တွေ ပိုစိမ်းစိုလာရုံ
မိုးစက်ပွင့် သေးသေးလေးများနဲ့
ချောက်ကမ်းပါးတစ်ခုဘေးမှာ
စမ်းချောင်းလေး ဖြတ်ပြေးစေခဲ့တယ်။

လူးလွင့်တဲ့ရွက်ကြွေကလွဲလို့
လေပြေညင်းဟာ
ဘာမှပြန်မရခဲ့ဘူး။

ပန်းပွင့်တွေ ယိမ်းနွဲ့နေစေရုံ
ငှက်တွေ ပျံသန်းနိုင်စေရုံနဲ့
ချောက်ကမ်းပါးတစ်ခုဘေးမှာ
စမ်းချောင်းလေး ဖြတ်ပြေးစေခဲ့တယ်။


//written by: ShwunMi