မနီကလေး ဘယ်ကလာ
အိမ်ကထွက်လို့လာ
မနီကလေး ဘယ်ကိုသွား
စာသင်ကျောင်းကိုသွား
စာသင်ကျောင်းက ဘာတွေသင်
စာရေးစာဖတ်သင်
စာရေးစာဖတ် ဘာလုပ်ဖို့
မနီ“လိမ္မာ”ဖို့ ...။
မော်ကြွားဖို့ မဟုတ်ပါ။
ပြိုင်ဆိုင်ဖို့ မဟုတ်ပါ။
ဂုဏ်ရာဝင်ဖို့ မဟုတ်ပါ။
လောဘထားဖို့ မဟုတ်ပါ။
အတ္တကြီးဖို့ မဟုတ်ပါ။
စိတ်ကစားဖို့ မဟုတ်ပါ။
စိတ်ညစ်ဖို့ မဟုတ်ပါ။
လောကအိမ်မှ လာပါသည်
ဘဝကျောင်းကို တက်ပါသည်
ကိုယ်တွေ့လေ့လာမိတာ လေဟာနယ်မှာ ချရေးလို့
သူများတွေ့ကြုံထားတာ နေရာတကာမှာ ဖတ်ရှုလို့
သင်ခန်းစာမှန်သမျှဟာ “လိမ္မာဖို့”
“လိမ္မာ”ဖို့ ဖြစ်သည် ...။
(မူရင်းကဗျာ - ပထမပိုဒ် ကို ရေးခဲ့သူ - ဦးတင်မိုး ဖြစ်ပါသည်။)
"ရေတွင်းထဲက ဖားများ အဖြစ်က
အလွန်ကျယ်သည်ဟုအထင်ရောက်ပြီး
အလွန်ကျယ်နေကြခြင်းပင်ဖြစ်သည်။"
စာညွှန်း - http://www.temasekreview.com/2010/01/14/myanmar-national-with-poor-command-of-english-working-as-accounts-executive-in-singapore/
(after some time, they changed the article's title to "Foreign worker who needs help in spoken English working as “accounts executive” in Singapore", which sounds a little better than the original.)
တကယ်တော့ ကိုယ်ရေးတဲ့စာကိုယ် ဘယ်ရောက်လို့ရောက်သွားမှန်းမသိ သူတစ်ပါးကို အလကားနေရင်း ပုတ်ခတ်သလို ရေးထားတာကြီးအကြောင်းကို ဘာမှဝေဖန်မနေချင်ပါဘူး.. ဒါပေမယ့် ရယ်စရာအကောင်းဆုံး ဆောင်းပါးတစ်ခုအဖြစ် မှတ်ထားလိုက်ပါတယ်။
သူငယ်ချင်းတစ်ယောက် လင့်ပို့ပြီးဖတ်ခိုင်းလို့ ဘရောင်ဇာကြောင်နေတဲ့ကြားက အဲ့ဒီစာမျက်နှာပေါ်ကို မျက်စိရောက်သွားတယ်။ စာဖတ်ပျင်းပါတယ်ဆိုမှ ဆောင်းပါးဆိုပြီး ရေးထားတာက ဆောင်းပါးရေးတဲ့သူကို သနားစရာကြီး ဖြစ်နေတယ်။
ဆောင်းပါးကိုဆုံးအောင်ဖတ်လိုက်ပေမယ့် များပြားလွန်းပြီး စိတ်ညစ်စရာတွေရော ရီစရာတွေပါ ရောပါတဲ့ ကော်မန့်တွေဖို့ကိုတော့ အကုန်မဖတ်နိုင်လို့ မျက်စိအနားပေးလိုက်ရတယ်။ ဒါတောင် admin ထပ်ရေးတာတွေကို ဖတ်ပြီး ထပ်ရီခဲ့သေးတယ်။
လူတစ်ယောက်ရဲ့ အရည်အချင်းကို အင်္ဂလိပ်စာသင်တန်းတက်တာ တစ်ခုထဲနဲ့ ကောက်ချက်ဆွဲပြီး ပေါက်တတ်ကရရေးထားတာဟာ အစိုးရပေါ်လစီကို ဝေဖန်တာလား... ဘာမှပြောဆိုဝေဖန် မပြုချင်ဘူး ရီပဲ ရီချင်တယ်။
လူတစ်ယောက်နဲ့ ပတ်သက်ပြီး ကိုယ့်ပိုက်ဆံထုတ်ရမယ့်သူ/ သို့မဟုတ် ကိုယ့်တာဝန်ခံရမယ့်သူက .. အဲ့ဒီလူဟာ "talent" လား "trash" လား "ပညာတတ်သူ" လား "ပြန်ညာတတ်သူ" လား .. မသိဘဲနဲ့တော့ အလကားနေရာမပေးပါဘူး။
ဆိုတော့ . . .
အပြောမတတ်တော့ ဆဲသလိုဖြစ်တယ်။ နမူနာကြီးပဲ။
- - -
စာကြွင်း။ ။ တချို့ကတော့ ဒါဟာ လူများအာရုံစိုက်မှုရအောင် တမင်လုပ်တဲ့ လှည့်ကွက်ပါ.. ကော်မန့် ထပ်ဝင်မရေးကြပါနဲ့ လို့ ဟိုဆောင်းပါးရဲ့ ကော်မန့်တွေထဲမှာ ပြောနေကြပါတယ်။
ကိုပေါ-ပိတောက်ရိပ် ကလည်း သူ့ဘလော့မှာ ရေးထားပါတယ်လေ။
စာသိပ်တော်လို့ လူအများလေးစားခံရတဲ့ ကျောင်းသားလေးတစ်ယောက်.. ရိုးသားကြိုးစားပြီး ထူးချွန်တယ်လို့ လူအများက အသိအမှတ်ပြုကြပါတယ်။ ဒါပေမယ့် သူ့မှာ သိပ်ဆင်းရဲလို့ မုန့်ဝယ်စားဖို့တောင်မှ ပိုက်ဆံမရှိရှာဘူးတဲ့..။
သနားဖို့ကောင်းတဲ့ကောင်လေးဟာ လူစည်ကားတဲ့လမ်းလေးပေါ်မှာ လျှောက်သွားရင်း မုန့်ဆိုင်ကိုတွေ့တယ်.. ဆိုင်မှာခင်းထားတဲ့ မုန့်တွေကိုကြည့်ပြီး အလန့်တကြားအော်ရင်း ပြေးထွက်အလာမှာ လမ်းပေါ်ကလူတွေနဲ့တိုက်မိပြီး ဟပ်ထိုးလဲကျသွားရှာတယ်။ လမ်းကလူတွေက သူ့ကို ထူပေးရင်း “ဘာများဖြစ်လာသလဲ” “ဘာတွေ့လို့လဲ”လို့ ဝိုင်းမေးကြတော့ သူက ““မုန့်တွေကိုကြောက်လို့ပါ”” တဲ့။ “မုန့်မှာဘာကြောက်စရာရှိလို့လဲ..” လူတွေက သူ့ကိုဟားပြီး စာဖတ်တာများလို့ ကြောင်သွားရှာပြီလို့ ထင်ကြတယ်။ တချို့ကလည်း မုန့်ထဲမှာ မကောင်းတဲ့ပစ္စည်းပါတာ မြင်သွားလို့ဖြစ်မယ်လို့ ဖြည့်တွေးကြတယ်။ မုန့်ဆိုင်ရှင်က သူ့မိဘရဲ့ရန်သူလား.. စသဖြင့် အမျိုးမျိုးပေါ့လေ။
မုန့်ဆိုင်ရှင်ကတော့ အလကားနေရင်း သူ့မုန့်ကိုကြောက်လို့ ဆိုတဲ့ ကောင်လေးကို ခေါ်လိုက်တယ်။ ပြီးတော့ ဘာမှကြောက်စရာမပါဘူးဆိုတာ ပြချင်လို့ ကောင်လေးကို မုန့်တစ်ဗန်းနဲ့အတူ အခန်းတစ်ခုထဲ ပိတ်ထားလိုက်တယ်။ ဆိုင်ရှင်ထွက်သွားတာနဲ့ ကောင်လေးဟာ မုန့်တွေအကုန်လုံးကို အားပါးတရ ယူစားလိုက်တာပေါ့။ ဆိုင်ရှင်ကပြန်လာကြည့်တော့ သူ့မုန့်တွေကို ကောင်လေး ဝါးစားနေတာမြင်တယ်။ ဒါနဲ့ ကောင်လေးကို “မုန့်ကို မကြောက်တော့ဘူးမဟုတ်လား” လို့မေးတော့ ကောင်လေးက
“မုန့်တွေကိုတော့ မကြောက်တော့ပါဘူး.. ဒါပေမယ့် လက်ဖက်ရည်တစ်ခွက်လောက် ဆိုရင် ကြောက်မယ်” လို့ ပြန်ဖြေလိုက်တော့တယ်။
- - -
ဒါဟာ လွန်ခဲ့တဲ့နှစ်ကိုးရာကျော်ကရှိခဲ့တဲ့ တရုတ်ပုံပြင်ပါတဲ့.. စာအုပ်တစ်ခုထဲ ဖတ်လိုက်ရပါတယ်။ လိုချင်တာတွေ ကိုယ်နဲ့မနီးစပ်တဲ့အခါ ကြိုးစားပြီးထွက်ပြေးကြည့်ပါ တဲ့။ လိုချင်တဲ့အရာတချို့ဟာ ကိုယ်ထွက်ပြေးမှ ကိုယ့်နောက်ကို လိုက်လာချင်တဲ့သဘော ရှိတယ်ဆိုပဲ။
အမြဲတမ်းမဟုတ်တဲ့ တချို့သော အခြေအနေ အချိန်အခါတွေမှာ သူပြောတာ မှန်နိုင်ပါတယ်။ ဒါပေမယ့် ဘယ်အချိန်မျိုးမှာလဲ ဆိုတာတော့ သေချာမသိဘူး။ ဘာပဲဖြစ်ဖြစ် ဝယ်မစားနိုင်တဲ့မုန့်ကို ရပ်ကြည့်နေတာထက် မျက်နှာလွှဲလိုက်တာကတော့ ပိုကောင်းပါတယ်။
ပုံပြင်ကို တချို့လူတွေဖတ်မိပြီး အိမ်မြောင်နဲ့လိုက်တို့နေမှာလည်း စိုးရိမ်ရတယ်။ စားချင်လို့မဟုတ်ပါဘူး .. တကယ်ကြောက်တာပါ။
တခါတလေ စိတ်ဖိစီးပြီးတွန်းအားတွေ သိပ်များတယ်လို့ ခံစားလာရတဲ့အခါ ထွက်ပြေးခြင်းအနုပညာဆိုတာ အနည်းနဲ့အများတော့ လိုအပ်မယ်ထင်တယ်။
- - -
ထွက်ပြေးခြင်းအနုပညာအကြောင်း စဉ်းစားရင်း Britney Spears သီချင်းကို သတိရသွားတယ်။ သူရဲ့ ထွက်ပြေးခြင်းအကြောင်းလေးပေါ့။ အပေါ်ကရေးထားတာတွေနဲ့တော့ ဘာမှမဆိုင်လောက်ဘူးထင်ပါတယ်.. ဘာနဲ့မှလည်း သက်ဆိုင်နေဖို့ မရည်ရွယ်ပါ။
